Trump ka zgjeruar numrin e shteteve, të cilave u ndalohet udhëtimi drejt SHBA-ve.
Konkretisht, SHBA-të zgjeruan ndalimin e saj të diskutueshëm të udhëtimit për njerëzit nga Koreja Veriore, Venezuela dhe Çadi.
Pas marrjes së vendimit, Trump u shpreh se ka prioritet sigurinë e Amerikës, prandaj ka vendosur ndalimin e udhëtimit për shtetet në fjalë:
“Duke e patur sigurinë e Amerikës prioritetin tim numër një, ne nuk do t’i pranojmë ata në vendin tonë”, tha Trump.
Kufizimet e ndalimit të udhëtimit përfshijnë edhe Iranin, Libinë, Sirinë, Jemenin dhe Somalinë.
Shtëpia e Bardhë tha se Koreja e Veriut nuk bashkëpunoi me qeverinë amerikane dhe dështoi të gjitha kërkesat për hyrje.
Trump theksoi se Qeveria e Venezuelës nuk ka bashkëpunuar në verifikimin nëse qytetarët e saj paraqesin kërcënime të sigurisë kombëtare apo të sigurisë publike.
Pas zgjedhjeve të fundit në Venezeluezë, Trump e ka quajtur Presidentin Nicolas Maduro diktator dhe ka vendosur sanksione ekonomike ndaj vendit.