Një ditë më parë, SHBA tronditën politikën shqiptare. Ishte sekretari amerikan Antony Blinken, i cili shpalli të padëshiruar nga SHBA-ja ish-kryeministrin Sali Berisha dhe familjen e tij. Mjaftoi një mesazh në Twitter, për të dhënë lajmin e bujshëm.
Fillimisht ai postoi një mesazh në Twitter, ndërsa më pas DASH nxori një deklaratë publike duke informuar se Sali Berisha, bashkëshortja e tij Liri Berisha dhe dy fëmijët Shkëlzen dhe Argita, nuk mund të shkojnë më në SHBA.
DASH e akuzon ish-kryeministrin se është përfshirë në afera të mëdha korrupsioni. Po ashtu, për Sekretarin Amerikan të Shtetit, ai ka përdorur qeverinë për të pasuruar veten, familjen dhe aleatët e tij në qeveri.
Lidhur me këtë çështje, një reagim është përcjellë nga ana e analistit Andi Bushati. Teksa ka qenë i ftuar në emisionin “Opinion”, Bushati tha se nuk e bind opinioni i Amerikës.
“Në këtë vend, i ka gjuajtur me top Kryeministrisë dhe nuk e kanë shpallur “non grata”. Ore këta kur je pa punë, të bëjnë moral. Sali Berisha pasi ka bërë masakrën elektorale në vitin 1996, pasi bëri 98, i erdhi Bush në mes të Tiranës. Dmth, këto deklarata e këtyre nuk janë çështje morale. Janë çështje ekulibri force.
Bushi erdhi vetëm për një fjali, që tha: Time is now.(Koha është tani). Po i heq akteve vlerën elektorale. Ne jemi në një vend që i gjykojmë personazhet tona, sipas kriteret tona që kanë të huajt. S’më bind opinioni i Amerikës. T’i mbaj atë që ishte burrë shteti kur vrau 4 veta. Po këta tallin bythën me shqiptarët. E ke seriozisht ti?!”, deklaroi Bushati.
