Shtetet e Bashkuara të Amerikës kanë regjistruar dje bilancin më të rëndë brenda kuadrit të 24 orëve.
Sipas Worldometer, ditën e djeshme në SHBA janë regjistruar 2,804 viktima, shifra më e lartë kjo e shënuar ndonjëherë.
Ndërsa janë regjistruar 25,985 raste të personave të infektuar nga COVID-19. Që nga shpërthimi i pandemisë, SHBA ka regjistruar më shumë se 819 mijë raste infektimi, duke e bërë atë vendin më të prekur në botë.
SHBA mban gjithashtu vendin e parë për numrin më të madh të viktimave 45,343, pothuajse dyfish sa Italia e cila renditet e dyta me 24,648 viktima.
Vendi më i prekur në SHBA vijon të mbetet New York, me mbi 256 mijë raste infektimi dhe 19,693 viktima. Vendet e tjera më të prekura në SHBA janë: New Jersey, Massachusetts, California, Pennsylvania, Illinois, Michigan etj.
Deri më tani në SHBA janë shëruar mbi 82 mijë persona, ndërsa mbi 690 mijë raste janë ende aktive.
Më shumë se 2,5 milionë njerëz nga e gjithë bota janë prekur nga koronavirusi, ndërsa mbi 178 mijë persona kanë humbur jetën.
