Presidenti Ilir Meta ka dalë sot në një konferencë për shtyp, ku ka njoftuar pse ka dekretuar ndryshimet në Kodin Penal për koronavirusin.
Kreu i shtetit u shpreh se këto ndryshime janë të nevojshme, pasi Kodi Penal nuk e parashikonte se si duhet të veprohej në raste të fatkeqësisë natyrore.
Sipas Metës, një nga qëllimet kryesore duhet të jetë rritja e numrit të testimeve tek personat e dyshuar me COVID-19.
Presidenti theksoi edhe nevojën e një fushate informimi në lidhje me zbatimin e masave të reja, e cila duhet të përfshijë edhe ndryshimet në Kodin Penal.
“Si President i Republikës kam dekretuar shpalljen e ligjit për ndryshimet në Kodin Penal mbi COVID-in. Shpallja u vlerësua për shkak të situatës pandemisë, për arsye se nuk dihet sa do të zgjasë dhe mundësisë së përsëritjes së një situatë të tillë mbetet e paparishikueshme. Kam ndjekur me vëmendje shqetësimet mbi propozimet dhe ndryshimet. Shmangia e procedurave të përshpejtuara nuk është vetëm kërkesë formale kushtetuese. Kjo kërkon kryerjen e ndryshimeve me konsultim dhe konsensus edhe institucioni i Presidentit iu përgjigj kërkesës së Kuvendit për bashkëpunim. Diskutimi i gjerë ka çuar në ndryshime thelbësore të produktit final të miratuar në Kuvend. Nisur nga kjo gjendje, por edhe boshllëkut ligjor që ka Kodi Penal dhe përhapjen me dashje, presidenti vlerëson se nisma duhet mbështetur. Mes draftit të propozuar fillimisht, atij të miratuar në komisione dhe përmbajtjes finale të ligjit të miratuar ka shumë ndryshime pozitive, që kanë reflektuar një pjesë të sugjerimeve të Avokatit të Popullit, presidentit, që lidheshin me llojin e masës së dënimit, qartësinë e veprimeve dhe mosveprimeve, aplikimin e sanksionit penal, pasi të jetë aplikuar sanksioni administrativ. Përcaktimi i përgjegjësisë penale vetëm për veprime të kryerja me dashje dhe të diagnostikuar si mbartës. Saktësimin e rrethit të subjekteve. Këto përmirësimi ulën masën e dënimit respektojnë më shumë parimin e sigurisë juridike. Presidenti vlerëson që para hyrjes në fuqi të Kodit Penal ministria e Shëndetësisë, Komiteti i Ekspertëve dhe ndërministror të vlerësojnë plotësimin e kuadrit ligjor si dhe përcaktimin e qartë shterues, sipas ligjit të sëmundjeve të rrezikshme që lidhen me zbatimin e masave të jashtëzakonshme. Duhet një fushatë e gjerë informimi publik. Fushata duhet të përfshirë edhe normat e reja penale” tha ai.
