SHBA-të thonë se qeveria e Sirisë po përgatitet për një sulm me armë kimike dhe e ka paralajmëruar atë se do të “paguajë një çmim shumë të rëndë” nëse një gjë e tillë ndodh.
Në një deklaratë, zëdhënësi i Shtëpisë së Bardhë, Sean Spicer tha se SHBA-të “identifikuan përgatitjet e mundshme për një sulm tjetër të armëve kimike nga regjimi i Asadit që do të rezultonte me vrasjen masive të civilëve, duke përfshirë fëmijët e pafajshëm”.
“Aktivitetet janë të ngjashme me përgatitjet që regjimi bëri përpara sulmit të armëve kimike të 4 prillit 2017”, shtoi ai, duke iu referuar incidentit në Sheikhon Khan.
“Siç kemi deklaruar më parë, Shtetet e Bashkuara janë në Siri për të eliminuar Shtetin Islamik të Irakut dhe Sirisë. Megjithatë, nëse Assad kryen një tjetër sulm me vrasje masive me armë kimike, ai dhe ushtria e tij do të paguajnë një çmim të rëndë”.
Dhjetëra njerëz u vranë në prill 2017, duke bërë që presidenti Donald Trump të urdhërojë një sulm me raketa në një bazë ajrore siriane.
Presidenti sirian Bashar al-Assad ka thënë se incidenti ishte i fabrikuar.
Ndërkohë, aleati i tij i ngushtë, Rusia, tha se një sulm ajror kishte goditur një depo rebele të mbushur me municione kimike dhe lëshoi agjentë toksikë në ajër.
