Rreth 4000 ushtarë amerikanë do të tërhiqen këtë javë nga Afganistani. Lajmi është dhënë nga mediat amerikane. Edhe pse ende nuk ka pasur një njoftim zyrtar nga Uashtingtoni, pritet që urdhri të jepet këtë javë. NBC duke cituar tre zyrtarë të lartë konfirmoi lajmin, por shtoi se nuk dihet sesi do të ndikojë sulmet e fundit të talebanëve ndaj bazës amerikane në Afganistan.
“Bisedimet mes SHBA-së dhe talebanëve kanë rifilluar para një jave në Katar, por u ndërprenë pas një sulmi pranë bazës ajrore amerikane të Bagramit në Afganistan, që shkaktoi dy të vdekur dhe dhjetëra të plagosur mes civilëve.
Rreth 13 000 ushtarë amerikanë janë vendosur aktualisht në Afganistan, 18 vjet pas fillimit të ndërhyrjes amerikane, disa javë pas atentateve të 11 shtatorit 2001 për rrëzimin e regjimit të talebanëve.
