Gjendja shëndetësore e kryeministrit britanik Boris Johnson, duket se është e rënduar. BBC raportoi se dje ai u vendos në terapi intensive. E ndërsa sot mjekët që qëndrojnë pranë tij, kanë deklaruar për mediat se ai ka simptoma të vazhdueshme.
Johnson fillimisht pati simptoma të lehta. Një prej zëdhënësve të tij tha se simptomat u bënë të vazhdueshme, dhe se kryeministri u dërgua në një spital gjatë mbrëmjes së të dielës. Mirëpo gjendja është përkeqësuar këtë të hënë.
Reagimet dhe mbështetjet kanë qenë të vazhdueshme nga klasa politike anembanë botës. Ka qenë presidenti amerikan Donald Trump, i cili ka ofruar ndihmë për shërimin e kryeministrit britanik. “Do të shohim nëse jemi në gjendje të ndihmojmë. Kemi kontaktuar me të gjithë mjekët e Boris”, ka thënë Trump.
