Ministrja e Arsimit, Besa Shahini, përmes komunikimit në video-mesazh është shprehur se në platformat online, mësimi do të vazhdojë si më parë. Sipas saj, nuk ka asnjë arsye të mendojmë që provimet kombëtare nuk do të mbahen.
“Njoftimi i parë ka të bëjë me transmetimin e leksioneve tek RTSH, te kanali Youtube i MASR, si dhe te platforma Akademi.al. Transmetimi do të vijojë njëlloj si këto 2 javët që lamë pas. Do të mbyllim dhe do të mbulojmë lëndët që kanë të bëjnë me shkencat, me matematikën dhe me gjuhë-letërsinë për klasat 1-12. Ky është fokusi edhe për javën e 3-të të punës nga shtëpia, ndërsa për javën e 4-rt po shohim mundësinë që të përfshimë leksione edhe nga gjuhët e huaja, historia dhe gjeografia. Por për këtë, ju njoftojmë në vijim”.
Ajo thekson në video-mesazh se shumë nxënës po pyesin nëse provimet kombëtare do të mbahen apo jo. duke marrë parasysh që shkollat janë të mbyllura. Pavarësisht se shkollat janë të mbyllura, ministrja konfirmoi se mësimi do të vijojë normalisht. Aktualisht, diku tek 90% e nxënësve janë në komunikim direkt me mësuesit e tyre. Ajo i referohet një komunikimi të rregullt, në mënyrë që të marrin instruksionet që duhet t’i bëjnë në shtëpi.
“Shkollat janë të mbyllura, por ne mësimin po e vazhdojmë. Sot që flasim, kemi diku tek 90% të nxënësve që janë në komunikim direkt me mësuesit e tyre. Ndoshta jo komunikim ditor, por komunikim i rregullt që të marrin instruksionet që duhet t’i bëjnë në shtëpi, detyrat e shtëpisë që duhet t’i bëjnë. Ndaj, nuk ka ende arsye të mendojmë që provimet kombëtare nuk do të mbahen. Ju duhet të planifikoni që provimet kombëtare do të mbahen sipas planit që kemi bërë deri tani”.
Ajo thekson faktin se për t’u ardhur në ndihmë nxënësve, MASR ka nxjerrë dy udhëzues me modele pyetjesh, si për maturantët ashtu edhe për nxënësit e klasave të 9-ta, që të ushtrojnë sa më shumë që të jetë e mundur me llojet e pyetjeve që do t’i kenë nëpër provime, dhe të thellojnë njohuritë e tyre për të gjitha lëndët që mund të jenë në provimet të cilat do t’i bëjnë në fund të vitit shkollor.
“Edhe kjo është një pyetje që na ka ardhur si nga mësuesit ashtu edhe nga nxënësit. Pyesin se si do të vlerësohen ata në fund të periudhës së dytë, që është tani, periudhës së dytë të këtij semestri, si dhe si do të vlerësohet puna që po bëhet online nga shtëpia. Nesër apo pasnesër, ne do e mbyllim udhëzuesin për të gjithë mësuesit dhe mënyrën se si do të vlerësohet puna e nxënësve gjatë këtyre javëve që kanë punuar nga shtëpia. Vlerësimi do të ketë dy elemente.
Është elementi i pjesëmarrjes, pra nxënësi do të vlerësohet me pjesëmarrjen e vet sipas parashikimeve të mësuesit dhe sipas kushteve që ka; dhe e dyta, nxënësi do të vlerësohet edhe me njohuritë që i ka fituar gjatë kësaj periudhe”.
Shahini ka sqaruar se mësimi do të fillojë në datë 6 prill. “Marr parasysh efektin e mirë që patën masat parandaluese për covid, sot vendosëm që këtë masë ta aplikojmë edhe për dy javë shtesë deri në 3 prill. Pra mësimi rifillon nëpër shkolla në 6 prill. Transmetimi i leksioneve tek Radio Televizioni Shqiptar, transmetimi do vijojë njësoj si dy javët që lamë pas. Do mbulojmë lëndët që kanë të bëjnë me shkencat, matematiken. Në javën e katërt po shohim mundësinë të përfshijmë dhe gjuhet e huaja. Njoftimi i dytë ka të bëjë me provimet kombëtare. Marrë parasysh që shkollat janë të mbyllura, por mësimin po e vazhdojmë. 90 % e nxënëseve janë në komunikim me mësuesit e tyre. Nuk ka ende arsye të mendojmë që provimet kombëtare nuk do të mbahen. Ju do të mendoni se provimet do të mbahen. Njoftimi i tretë ka të bëjë me vlerësimin. Në fund të periudhës së dytë të këtij semestri si dhe si do vlerësohet puna. Nxënësi do vlerësohet me pjesëmarrjen e vet sipas kushteve. Nxënësi do vlerësohet edhe me njohuritë që ka fituar gjatë kësaj periudhe. Kemi shembuj edhe me testime të thjeshta që do vlerësojnë punën e nxënësve dhe njohuritë që kanë marrë gjatë kësaj periudhe”.
