Prej disa muajsh opozita në Shqipëri ka braktisur parlamentin duke djegur mandatet dhe ka pushtuar rrugët me protesta. Situata politike në vend duket se ka prekur edhe reperen Baby G.
Këngëtarja ka publikuar një video në faqen e saj në Instagram, ku me nota humori sfidon kryeministrin Edi Rama, por pa e kuptuar ka bërë një gafë të madhe.
“Mendoj se do të bëhem gruaja e parë presidente në Shqipëri. Edi Rama ke konkurrencë sepse jam lodhur shumë nga këto protesta”, ka shkruar ajo në përshkrimin e videos.
Siç kuptohet këngëtarja nuk paska dijeni se Rama është kryeministër i Shqipërisë dhe jo president, meqë shprehu dëshirën për t’i zënë vendin.
Këtë detaj e kanë kapur menjëherë edhe fansat e saj të cilët nuk kanë hezituar ta kritikojnë. Mirëpo, ndonëse kanë kaluar disa orë nga postimi, reperja nuk ka marrë mundimin të bëjë korrigjimin e nevojshëm.
