Një letër e pazakontë i është drejtuar kreut të Këshillit të Lartë të Prokurorisë, Gent Ibrahimi. Letra në fjalë e cila mban datën 24 Janar 2020, është firmosur nga anëtari i KLP-së, Tartar Bazaj.
Duke iu referuar letrës në fjalë, të cilën e ka shpërndarë në rrjetet sociale ish-ministri i Drejtësisë, Ylli Manjani, Tartar Bazaj ankohet tek drejtuesi i institucionit se kanë humbur kartolinat që i kanë dërguar për Vitin e Ri.
Një kërkesë sa paradoksale, aq dhe qesharake. Duket paksa e çuditshme, por kjo është një kërkesë zyrtare dhe jo një meme.
Letra përmban dy pyetje thelbësore:
1-Nëse në adresën time pranë Këshillit të Lartë të Prokurorisë ka ardhur ndonjë kartolinë Urimi për Vitin e Ri 2020 ose jo?
2-Dhe nëse po, kanë mbetur rastësisht pa u ndarë apo cilat janë arsyet e mos dorëzimit të tyre tek personi im?
