Rastet e reja me Covid-19 në Itali, vijojnë të rriten me ritme të shpejta.
Autoritetet italiane kanë bërë të ditur se në 24 orët e fundit janë kryer 201m452 testime, ndërsa janë konfirmuar 26,831 persona pozitivë.
Kjo është shifra më e lartë e të infektuarve që prej fillimit të pandemisë.
Në 24 orët e fundit, kanë ndërruar jetë edhe 217 persona të prekur me Covid-19, duke e çuar në 38,122 numrin e atyre që kanë humbur betejën me koronavirusin.
Rajoni i Lombardisë mbetet më shqetësuesi në nivel kombëtar.
Një pjesë e madhe e shteteve kanë rikthyer sërish masat kufizuese për të parandaluar shpërthimin e sëmundjes deri në kulmin kur sistemi shëndetësor të përfundojë në kolaps.
