Interi e ka nisur vitin 2021 në mënyrën më të mirë të mundshme. Zikaltërit shpartalluan me rezultatin 6-2 Krotonën në sfidën e vlefshme për javën e 15-të të Serisë A.
Lautaro Martinez, shënoi në sfidën e sotme tregolëshin e parë me fanellën e Interit, ndërkohë që festën zikaltërve ja prishi disi dëmtimi i Lukakut.
Sulmuesi belg pësoi tërheqje në minutën e 75-të, duke lënë fushën e lojës.
Me këtë triumf, Interi merr përkohësisht kryesimin, në pritje të rezultatit të ndeshjes mes Beneventos dhe Milanit që do të startojë në orën 18:00.
