Serbia vazhdon fuqishëm programin e armatimit. Sipas agjencisë “Sputnik”, Rusia dhe Serbia kanë nënshkruar një marrëveshje të fshehtë për shitblerjen e gjashtë sistemeve raketore Pantsir-S1. Informacioni për agjencinë është konfirmuar nga një burim i sigurt në Kremlin.
“Marrëveshja për një bateri të këtij sistemi është nënshkruar vitin e kaluar. Puna është duke u zhvilluar dhe marrëveshja do të kompletohet brenda këtij viti”, shkruan Sputnik.
Nga ana tjetër, presidenti Vuçiç, ka folur mbi një sistem të ri raketor në tetor të vitit të kaluar.
Sistemi i raketave tokë-ajër Pantris-S1 shërben për mbrojtjen e objekteve ushtarake dhe industrial nga kërcënimet e ndryshme që vijnë përmes ajrit.
Rusia e ka eksportuar më parë këtë sistem edhe në vende të tjera, përfshirë Vietnamin, Sirinë, Iranin, Irakun, Emiratet e Bashkuara Arabe dhe Jordaninë.
Një njësi e këtij sistemi kushton rreth 14 milionë dollarë dhe ka filluar të prodhohet në vitin 2008, shkruan “Sputnik”.
