Serbia është shteti i parë në Evropë që pas periudhës së izolimit 3 mujor zhvillon zgjedhjet e përgjithshme këtë të dielë.
Por çfarë pritet të ndodhë?
Raportohet se partia e Vuçiç pritet të fitojë shumicën absolute.
Sondazhet nxjerrin fituese Partinë Përparimtare Serbe të Presidentit Vuçiç, e cila pritet të fitojë shumicën absolute.
Ndërkohë, një pjesë e madhe e opozitës ka paralajmëruar se do t’i bojkotojë zgjedhjet.
Partia e dytë që mund të marrë më shumë vota është ajo e Ivica Daçiç, e cila është në koalicionin qeverisës.
Kritikët thonë se shumë subjekte, nga 21 që konkurrojnë në zgjedhje, janë prodhim i vetë partisë në pushtet.
Kujtojmë se Aleksandër Vuçiç është në pushtet prej tetë vitesh në postin e kryeministrit dhe presidentit.
Tashmë, në këtë moment diskutohet nëse Vuçiç dhe partia e tij do të sigurojnë një shumicë prej dy të tretave të mandateve për të pasur në dorë ndryshimin e Kushtetutës, shkruan “A2”.
