Shqiptari nuk mund ta pranonte kurrë faktin që e dashura e tij ta linte dhe të lidhej më një serb.
Në Vincenza të Italisë një i ri shqiptar ka ndjekur ish të dashurën e tij dhe partnerin e saj dhe i ka qëlluar me armë, shkruan ilgiornaledivicenza.it.
Mediat italiane raportojnë se shqiptari ka qëlluar me armë drejt makinës “Mercedes” në të cilin udhëtonte ish- e dashura e 26 vjeçarit dhe i dashuri i saj serb së bashku me dy miq të tjerë të cilët ndodheshin në sendiljet e pasme.
Shqiptari i identifikuar si Graciano Qori së bashku me bashkatdhetarin e tij të identifikuar me inicialet M.K me një makinë “Mini Cooper” që të dy me precedentë penalë kanë ndjekur dhe kërcënuar më pas 4 personat në makinë tjetër.
Mediat vendase shkruajnë se shtetasi serb ka tentuar t’i shmangë ndjekësit por që “Mini Cooper-i” i ka dalë në krahë dhe një person ka qëlluar me pistoletë zjarri drejt makinës.
Vajza ka telefonuar policinë por që ndjekja nga shqiptari vazhdonte dhe kërcënimi me armë po ashtu. Më pas “Mercedesi” shkon drejt patrullave të Policisë për të kërkuar ndihmë, ndërsa Mini Cooperi largohet me drita të fikura.
Vajza 20-vjeçare u tregon efektivëve se e njeh njërin prej personave në makinën që i ndiqte. Pas disa orësh policia ka bërë të mundur arrestimin e 26 vjeçarit Qori e ndërsa miku i tij ende ndodhet në arrati.
