Interesi i qytetarëve serbë për të blerë pasuri të paluajtshme në Greqi është rritur në vitet e fundit, dhe e njëjta trend ka vazhduar këtë vit.
Vlera e pronave në bregdetin grek dhe kryesisht në Selanik, është shumë e lartë por gjithsesi çmimet janë më të ulëta se në Beograd por edhe fitimprurëse, ndërkohë gjëja që duhet patur kujdes në këtë pjesë janë kostos pas blerjes siç janë taksat dhe shërbimët komunale, shkruan media serbe, Blic.
Sipas agjencive të pasurive të patundshme në Greqi, çmimi mesatar për metër katror i apartamenteve në Selanik është rreth 1,400 euro. Në periferi, është edhe më e lirë – rreth 1,000 euro për metër katror, ndërsa për duplekset më luksoze në qendër të qytetit, është e nevojshme të veçohen deri në 3,000 euro për metër katror.
Në vendet turistike, çmimet janë disi të ndryshme, kështu që për një apartament prej 60 metrash katrorë në Pefkohori, duhet të lihen rreth 1,416 euro për metër katror, dmth. gjithsej 85,000 euro. Duhet shtuar se në këtë rast është një apartament plotësisht i mobiluar vetëm 300 metra nga bregu. Nga ana tjetër në Paralia, për një apartament me pamje nga deti 52 metra katrorë, rreth 70,000 euro duhet të lihen mënjanë.
Sipas ekspertëve, ka disa arsye pse qytetarët serbë vendosin të blejnë apartamente në Greqi. Shumica e tyre janë shtëpi pushimi, por numri i atyre që blejnë apartamente në Selanik për fëmijët që do të studiojnë atje është gjithashtu i konsiderueshëm, si dhe ata që investojnë në pasuri të patundshme për t’i dhënë me qira.
