Opinioni i qytetarëve të Serbisë rreth Kosovës karakterizohet nga pikëpamje të kundërta. Ata mbështesin dialogun dhe nuk shohin mundësinë e bashkëjetesës së serbëve dhe shqiptarëve.
Gjithashtu, ata mbështesin marrëveshjet nga Brukseli dhe Uashingtoni, por nuk e shohin përfitimin e tyre.
Kjo u tregua nga sondazhi i fundit i opinionit publik i kryer nga Qendra e Beogradit për Politikën e Sigurisë, shkruan b92.
Megjithëse shumica e qytetarëve serbë u besojnë autoriteteve dhe mbështesin zgjidhjen e çështjes së Kosovës, gjysma prej tyre nuk e di se cili është qëllimi i negociatave të Serbisë me Kosovën.
Hulumtimi tregoi se gjysma e qytetarëve të Serbisë mbështesin dialogun midis tyre dhe Kosovës, megjithëse më shumë se 90% e njerëzve nuk ndiejnë ndonjë përfitim prej tij dhe pothuajse tre të katërtat e tyre mendojnë se ai nuk ka ndryshuar asgjë.
