Ambasadorja e SHBA-ve në vendin tonë, Yuri Kim ka reaguar pas kërkesës së SPAK, për sekuestrimin e pasurive të ish-kryeprokurit të përgjithshëm, Adriatik Llalla.
Kim shprehet se SPAK po jep rezultate duke përdorur Ligjin Anti-Mafia.
Sipas saj, reforma në drejtësi duhet të zbatohet ashtu siç e kërkon populli shqiptar, në përputhje me statusin e Shqipërisë si Aleate e NATO-s dhe aspirante e BE-së.
”SPAK po jep rezultate, duke përdorur Ligjin Anti-Mafia për të nxjerrë fitimin nga korrupsioni. SH.B.A. vazhdon të mbështesë fuqimisht zbatimin e Reformës në Drejtësi, siç kërkohet nga populli shqiptar & në përputhje me statusin e Shqipërisë si Aleate e NATO-s dhe aspirante e BE-së.”, shkruan Kim në rrjetin social, Twitter.
SPAK is delivering results, using the Anti-Mafia Law to take the profit out of corruption. US continues to strongly support implementation of Justice Reform, as demanded by the Albanian people & in keeping with Albania’s status as NATO Ally & EU aspirant. https://t.co/ewkn1WPrer
— Ambassador Yuri Kim (@USAmbAlbania) December 3, 2020
