400 mijë dollarët që u sekuestruan sot nga blutë e Tiranës, i përkasin biznesmenit Aleksandër Gavoçi, raporton Dosja.al. Ky biznesmen nuk është i panjohur, pasi njihet si pronari i truallit mbi të cilin kanë qenë të ndërtuara disa banesa përballë shkollës “Petro Nini” në Tiranë. Emri i ndërtuesit të fuqishëm Aleksandër Gavoçi doli sot sërish në skenë, pasi iu sekuestruan 400 mijë dollarë të cilat po tentonte t’ia transferonte vëllait të tij, Ilir Gavoçit në Australi.
Një vit më parë ai është përplasur me banorët që jenonin në këto banesa, dhe u desh ndërhyrja e policisë për të zgjidhur konfliktin.
Gavoçi prentendonte dhe publikoi dhe disa dokumenta që trualli i përkiste atij, ndersa banorët që kishin më shumë se 20 vite që jetonin aty, shpreheshin se ata e kishin blerë banesën dhe ishin në proces legalizimi. Një vit më parë, pronari i truallit, Aleksandër Gavoçi tha në një lidhje telefonike në emisionin “Të Pa Ekspozuarit” në News 24 se prona në fjalë daton që nga viti 1936. Ai shtoi se veprimtaria e tij në fushën e ndërtimit vijon prej 20 vitesh, por tregon se me familjen e Luan Llapaj ka patur një ofertë për t’i dhuruar hyrje, por kjo marrëveshje nuk është firmosur nga pala tjetër.
Aleksandër Gavoçi: “Origjina e pronës është që 1936. Kjo pronë është kthyer në 1944, ndërsa në 1949 janë sekuestruar pronat e paluajtshme të Ali Rizait. Në vitin 1991, i gjithë ky dokumentacion është gjetur në arkivin e shtetit. Dy shtëpitë që ata pretendojnë sot, kanë qenë aty që në 1936. Unë jam një ndërtues që ndërtojë tash e 20 vite në Tiranë. Oferta ime ka qenë, ia kam bërë ofertën. Unë kam përfunduar duke më sharë e përdhunuar. Janë tërhequr vetë ata. Janë 5-6 persona kanë qenë për të negociuar me këta. Kjo tokë është blerë. Kjo tokë është e imja. Unë do ia kisha falë edhe të tjerëve. Nuk kam nevojë për të ndërhyrë as bashkia. Përdhunimin që më kanë bërë nuk ia falë kurrë. Kanë lozur me eshtrat që nuk duhet. Prona është shumë e shenjtë. Nuk kanë pranu. E kam çuar një grup mbi 10 herë dhe iu kam thënë hajde të mbyllim marrëveshjen. Ta jap llafin kur të plotësohen ato që thashë unë, kur nga ana morale të plotësohen ato që them unë. Ato fëmijë nuk i lë në rrugë, por pasi të verifikohen të gjitha dhe të kërkojnë falje publike”.
