Prej kohësh tashmë opozita serbe akuzon presidentin Aleksandar Vuçiç se bashkë me vëllain e tij kanë lidhje me një fermë të paligjshme marijuane.
Në lidhje me këtë ka ardhur edhe reagimi i një ndihmësi të lartë të Vuçiç, i cili ka kërkuar një hetim për pastrimin e emrave të tyre nga këto akuza.
“Ka vetëm një të vërtetë. Qëllimi është të rrëzojmë gënjeshtra dhe shpifje të këqija dhe të përcaktosh nëse ata që i bënë akuzat gënjejnë”, tha Milos Vuçeviç, nënkryetari i partisë së Vuçiç.
Akuzat e opozitës kanë të bëjnë me sekuestrimin e pothuajse 4 ton marijuanë të kultivuar në serë në një fermë organike afër kryeqytetit.
Policia arrestoi pronarin, i cili kishte kërkuar subvencione shtetërore për rritjen e kërpit jo psikoaktiv, por nuk ka prova të qarta, nëse ai mori mbështetje financiare. Opozitarët akuzuan Vuçiç dhe vëllain e tij për mbrojtjen e fermerit.
