Pas vdekjes së legjendës së futbollit Diego Armando Maradona, familjarët janë në gjyqe për ndarjen e pasurisë. Pak ditë më parë u bë publik fakti se i ndjeri, kishte përjashtuar nga testamenti tre nga familjarët e tij.
Bëhet fjalë për ish-gruan Claudia Villafane dhe dy vajzat Dalma dhe Giannina. Gazetarët kanë treguar edhe përmbajtjen e dokumentit të redaktuar nga ish-Pibe de Oro në 2016-ën në Dubai. Marrëdhëniet mes Maradona-s dhe vajzave të tij, nuk ishin aspak të mira.
Sakaq, Maradona njihej edhe për bamirësitë e tij të shumta, ndërsa po mbante me ushqim çdo muaj 50 familje. Ai shpenzonte 100 mijë euro në muaj për t’u siguruar bazën materiale të jetesës atyre, por vdekja e tij ka sjellë edhe mjerimin e tyre.
Së fundmi, në televizionin “America TV”, Jorge Rial hodhi dritë mbi pasurinë që la pas legjenda e futbollit.
“Shpenzonte rreth 100 000 euro në muaj. Çdo muaj, nga llogaria e Maradonës dilte pak a shumë kjo shifër. Thonte shpesh se mbante me bukë 50 familje. Pse po e them këtë? Sepse, nga tani e tutje, dikush duhet të vazhdojë të japë këtë shifër”, tha Rial, duke iu drejtuar kështu të gjithë fëmijëve që Maradona nuk ka njohur, dhe që sot po kërkojnë pjesë nga trashëgimia e tij.
