Aktori i njohur turk me origjinë shqiptare, Can Yaman, do të marrë rolin e “Sandokan” në serialin e ri të producentëve italian. Mediat turke shkruajnë se aktori do të paguhet 100 mijë euro për çdo episod të ri të “Sandokan”. Xhirimet për këtë produksion do të nisin në verë ose vjeshtën e vitit 2021.
Aktualisht, serialet turke janë më të ndjekurat. Ato po fitojnë çdo ditë e më shumë popullaritet jashtë Turqisë.
Aktori me origjinë shqiptare, Can Yaman që jeton në Turqi, vizitoi Italinë pak kohë më parë.
Së fundmi është mësuar se Lux Vide, shtëpia historike e prodhimit të filmave në Itali, do të nisë xhirimet për një version të ri të “Sandokan”. Can Yaman do luajë rolin e Sandokanit.
Miniseriali historik “Sandokan”, është transmetuar për herë të parë në vitin 1976. Përveç Can Yaman, në film do të luajë edhe Luca Argentero, i cili do të ketë rolin e krahut të djathtë të Sandokan-it, i njohur si Yanez. Ndërkohë zonjusha Marianna, nuk është zgjedhur ende.
“Është një projekt i ri, ende në zhvillim e sipër. Është një foshnje (projekti) ende i porsalindur. Jam krenar që marr pjesë në një projekt ndërkombëtar si ky”, është shprehur Can Yaman në lidhje me këtë projekt të ri.
