Jo çdo kush që gjen një portofol me lekë e merr, dhe ikën i lumtur në shtëpi. Pasi ka edhe raste përjashtimore, ku portofolin t’ia dorëzosh pronarit. Një gjest për tu vlerësuar ka ndodhur nga një qytetar, i cili pasi ka gjetur portofolin në rrugë, ka menduar menjëherë t’ia japë të zotit, pa asgjë në këmbim.
Tim Cameron kishte humbur portofolin, teksa po ecte me biçikletë për në shtëpi. Ndonëse ai nuk kishte shumë informacione personale në portofol për t’u identifikuar, personi që e gjeti i dërgoi një mesazh bankës me të cilën ai ishte klient. Kryerja e veprimeve bankare në rrjet, shpesh u jep mundësinë përdoruesve që të dërgojnë një mesazh kur transferojnë para në një tjetër llogari.
Dhe, duke qenë se personi që gjeti portofolin pa të dhënat e Tim-it nga karta e kreditit që gjeti, ai pati mundësinë që t’i dërgonte një mesazh.
“[Kur e humba atë] mendova “e mallkuar, kjo do të ketë shumë punë për tu zgjidhur”, është shprehur Tim Cameron, kur kishte humbur portofolin.
“Unë nuk kam pasur shumë informacione identifikuese atje, kështu që ai ra në kontakt me mua përmes llogarisë time bankare. Mendova se Simon ishte një legjendë. Kur arrita në shtëpinë e tij thashë; ‘ti je një legjendë’, shtrëngova dorën, u ribashkova me portofolin tim dhe më pas i dhashë një shishe verë”.
Simon Byford po shkonte me biçikletë për në shtëpi, kur pa portofolin e z. Cameron në mes të rrugës. “Unë mendoj se është ajo që dikush do të bënte. Kishte të gjitha gjërat e tij në të, si leja e tij e qëndrimit dhe shumë gjëra që do të ishin të shtrenjta për t’i zëvendësuar. Nëse do të humbja portofolin në rrugë, do të dëshiroja që dikush të bënte të njëjtën gjë”.
Denonco ne TT