E hënë, 6 Dhjetor, 2021
11.5 C
Tirana

Schwarzenegger i zemëruar nga politikat e liderëve botërorë për klimën

Arnold Schwarzenegger thotë se liderët që pretendojnë se luftimi i ndryshimeve klimatike dëmton ekonominë janë “budallenj ose gënjeshtarë”.

Përpara samitit të klimës COP26, ish-guvernatori i Kalifornisë i tha BBC-së se ulja e emetimeve të karbonit, do të sjellë përfitime tek ekonomitë globale.

Në një intervistë për serinë 39 Mënyrat për të shpëtuar planetin e BBC Radio 4, Schwarzenegger pohoi se suksesi i vazhdueshëm ekonomik i Kalifornisë dhe krijimi i vendeve të punës dëshmojnë se reduktimi i dioksidit të karbonit dhe rritja e pasurisë shkojnë paralelisht.

“Ata janë gënjeshtarë, janë budallenj. Ose nuk dinë si ta bëjnë këtë, sepse ne e kuptuam se si ta bëjmë”, argumentoi ai.

Schwarzenegger u bë një promotor i ajrit të pastër dhe energjisë së rinovueshme, ndërsa kur ishte guvernator midis 2003 dhe 2011 – vendosi objektiva për të reduktuar tymin e shkarkimit dhe emetimet e gazrave serrë. Që pas largimit nga detyra, ai ka përdorur famën dhe ndikimin e tij për të promovuar politikat e reduktimit të karbonit, veçanërisht me Iniciativën e Klimës Schwarzenegger.

Ai është gjithashtu kritik ndaj një axhende mjedisore të fokusuar në sakrificën e stilit të jetesës. Ish-kampioni i bodybuilder thotë se ka reduktuar konsumimin e tij të mishit me rreth tre të katërtat në vitet e fundit, por argumenton se si rezultat po “fiton”.

“Që kur haja më shumë perime dhe ushqime me bazë bimore, mjeku im i zemrës tha se arteriet e mia kanë pushuar së ngushtuari”, tha ai.

“Pra, si kam hequr dorë nga diçka? Fitova shëndetin tim, më dhanë dy vjet shtesë”.

Schwarzenegger gjithashtu beson se teknologjia po jep zgjidhje dhe përmend Hummer-in e tij – një automjet masiv fuoristradë e stilit ushtarak – që ai kaloi nga dizel në fuqinë e baterisë, duke pasur parasysh se versioni elektrik shkon më shpejt me më shumë kuaj-fuqi.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

“Shkelje financiare”, arrestohet presidenti i klubit italian

Presidenti i një prej klubeve të Serisë A është vënë në pranga, për shkelje financiare mes të cilave edhe deklarimin e falimentit të kompanive...

“Jam në Dubai, s’jam arratisur”/ Nipi i deputetit të PS-së: Ngjarje e stisur

Ramazan Rraja, nipi i deputetit socialist, Rrahman Rraja konfirmon se nuk është arratisur, pasi akuzohet se së bashku me dy persona të tjerë, kanë...

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...

Ne përmbytemi rregullisht, e nuk vëmë mend nga asnjë fatkeqësi

Nga: Mentor Kikia Ka ndryshuar klima o budallenj! Duhet të ndryshojmë dhe ne, ndryshe do të ngordhim. Vetëm pas një jave me reshje, vjen paralajmërimi i...