Një vjedhje është kryer në qytetin e Sarandës, ku hajdutët kanë grabitur banesën e një biznesmeni, duke marrë një shumë prej 30 mijë eurosh.
Në momentin e vjedhjes, në shtëpi nuk ka pasur asnjë person nga familja, gjë që të bën të mendosh se autorët mund të kenë qenë në dijeni paraprakisht për mosprezencën e tyre brenda në banesë.
Ngjarja mësohet se ka ndodhur mesditën e djeshme, por vetëm sot është bërë publike.
Pas denoncimit nga biznesmeni, policia ka nisur hetimet për autorët, ndërsa janë sekuestruar edhe kamerat e sigurisë së bizneseve pranë banesës.
Deri më tani policia nuk ka dhënë asnjë informacion për ngjarjen.
Shfaq Komentet (0)
Denonco ne TT