Policia e Sarandës ka proceduar penalisht një 15-vjeçare, pasi ka kërcënuar me thikë shoqen e saj. Vajza e mitur është proceduar për veprën penale “Kanosja” dhe “Mbajtja pa leje e armëve të ftohta”.
Burime zyrtare të policisë bëjnë me dije se e mitura, për motive të dobëta ka kanosur me thikë bashkëmoshataren e saj.
Lidhur me këtë rast, materialet hetimore i kaluan Prokurorisë, për veprime të mëtejshme.
Njoftimi i policisë
Po nga specialistët e Hetimit të Krimit në Komisariatin e Policisë Sarandë, u procedua penalisht për veprat penale “Kanosja” dhe “Mbajtja pa leje e armëve të ftohta”, një shtetase e mitur 15 vjeçe, pasi për motive të dobëta, ka kanosur me thikë bashkëmoshataren e saj. Materialet i kaluan Prokurorisë, për veprime të mëtejshme.
