Humbja e Interit nga Juventusi në “San Siro” në minutat e fundit nuk është kapërdirë dot nga tifozët zikaltër. Ata kanë cilësuar si fajtorin kryesorë Davide Santon dhe në drejtim të tij kanë shkuar shumë kërcënime me vdekje apo duke u uruar kancer.
Chloe Sanderson, partnerja e Davide Santon, ka zbuluar se është kërcënuar me vdekje pas humbjes së Interit kundër Juventusit. Santon hyri në lojë nga stoli të shtunën mbrëma kundër Juventusit, kur Interi po fitonte 2-1. Si Santon ashtu edhe e dashura e tij Chloe Sanderson janë abuzuar në mediat sociale duke u bombarduar me mesazhe agresive nga tifozët e Inter duke përfshirë kërcënime për jetën dhe duke u uruar kancer.
“Për herë të parë në jetë, jam e frikësuar në shtëpinë time të jem e vetme me fëmijën… kur më është thënë se duhet të mbyllë dyert dhe se duhet të shqetësohem se si partneri im do të kthehet në shtëpi sonte”.
“Kjo nuk është në rregull. Askush më shumë se Santoni nuk është i dëshpëruar për rezultatin sonte”, kishte shkruar ajo të shtunën mbrëma në Instagram, menjëherë pas ndeshjes.
