Ministri i Brendshëm, Sandër Lleshaj reagoi sot pas incidentit të djeshëm në Durrës, ku një student e akuzoi se ka helmuar e anë të gazit lotsjellës në protesta.
Por, lidhur me këtë reagim, vjen një tjetër koment nga ish-deputeti i LSI-së, Endrit Braimllari që e akuzon Lleshajn se “reagon kundër studentëve, kundër qytetarëve që protestojnë tek Unaze e Re, hedh gaz helmues në kundërshtim me ligjin në protestat qytetare, por nuk gjen kohë të reagojë për dy vrasje mafioze në mes të Tiranës”.
Braimllari e cilëson këtë si moralin të një qeverie të degraduar dhe të marrë peng, ndërsa Lleshajn e quan një bashkëpunëtor të qeverisë së krimit.
Postimi i Braimllarit:
“Sander Lleshi reagon kunder studenteve, kunder qytetareve qe protestojne tek Unaza e Re, hedh gaz helmues ne kundershtim me ligjin ne protestat qytetare por nuk gjene kohen te reagoje per dy vrasje mafioze ne mes te Tiranes.
Ky eshte morali i nje qeverie te degraduar dhe te marre peng. Qytetarin e dobet dhe te varfer e arreston, e mbyt ne gaz helmues, i prish shtepine ne kundershtim me ligjin per te fituar miliona euro Edi Rama, ndersa oligarkun, kriminelin nuk guxon as ti permendi emrin.
Nuk kishim dyshim qe Keshilltari i Sigurise se Kryeministrit, Sander Lleshi ne kohen me te erret te vendit ku dominonte kanabisi, trafiku nderkombetar i drogerave te forta, sot Minister i Brendshem, te ishte ndryshe. Sander Lleshi eshte thjeshte bashkepuntor i qeverise se krimit.”, shkruan ish-deputeti.
