Duke filluar nga dita e sotme, spitali “Shefqet Ndroqi” i cili shërbeu për disa kohë si spitali COVID 2 do të rikthehet në normalitet.
Përmes një postimi në Facebook, Manastirliu i shpreh mirënjohjen të gjithë stafit të mjekëve dhe infermierëve që përballuan me sukses situatën e krijuar nga pandemia e koronavirusit.
Ministrja e Shëndetësisë dhe Mbrojtjes Sociale thekson se lufta me koronavirusin vazhdon në spitalin infektiv, ku po trajtohen disa nga pacientët e prekur.
Numri i rasteve ende aktive me COVID-19 në Shqipëri është 190.
Postimi i plotë:
Me guxim, sakrificë e profesionalizëm, mjekët, infermierët, i gjithë stafi i spitalit universitar “Shefqet Ndroqi”, përballoi me sukses situatën e shkaktuar nga #COVID19 dhe nga sot rikthehet në normalitet?? Mirënjohje të gjithë stafit mjekësor për punën dhe përkushtimin! Ndërsa beteja e përditshme vijon në spitalin #infektiv, ku po trajtohen pacientët e prekur nga koronavirusi.
