Aeroporti i Rinasit ka përcjellë një njoftim të rëndësishëm, kjo në kuadër të masave të marra për samitin Bashkimi Europian – Ballkani Perëndimor që do të mbahet sot në Tiranë. Në postimin në Facebook, “Tirana International Airport” bën të ditur se:
Për drejtuesit e mjeteve që vijnë nga veriu, me destinacion aeroportin e Rinasit, rrugëkalimi do të bëhet nga aksi “Fushë Prezë – Rinas”.
Për drejtuesit e mjeteve që vijnë nga Durrësi, me destinacion aeroportin e Rinasit, rrugëkalimi do të bëhet nga aksi “Vorë- rruga e vjetër e Fushë Krujës”.
Për drejtuesit e mjeteve që vijnë nga juglindja, me destinacion aeroportin e Rinasit, rrugëkalimi do të bëhet nga aksi “Elbasan – rrethrrotullimi TEG-ut- unaza lindore- Paskuqan -Kamëz- kryqëzimi i Valiasit- Rinas”.
26 liderë të Bashkimit Europian do të marrin pjesë ditën e sotme në samitin e përbashkët që do të mbahet në Tiranë, me liderët e vendeve të Ballkanit Perëndimor.
