Në një kohë kur situata politike në vend është e nxehtë për shkak të sulmeve të opozitës ndaj ministrit të Brendshëm, kryetari i Partisë i PD-së, Lulzim Basha zgjedh të largohet nga Shqipëria ashtu si dhe kryeministri. Basha është nisur për në Sofje ku do të marrë pjesë në samitin e Partive Popullore Evropiane. Kryetari i PD-së do të shfrytëzojë samitin e PPE për të kërkuar mbështetjen për statusin e vendit kandidat.
Kryedemokrati të jetë pjesë e punimeve të samitit të mërkurën, më pas do kthehet në Tiranë për seancën parlamentare të së enjtes, ku parashikohet të ketë tensione.
Kujtojmë se opozita ka deklaruar, se të ditën e enjte nuk do te lejojë zhvillimin e një seance parlamentare normale. Vendimi i opozitës vjen pas publikimit të audio-përgjimit për vëllain e Ministrit Xhafaj, Agron Xhafaj, pasi pretendohet se ai është i lidhur me trafikun e drogës.
