Ish-kryeministri Sali Berisha ka komentuar samitin e Berlinit, kushtuar vendeve të Ballkanit Perëndimor.
Teksa shkruan për integrim e vendeve të Ballkanit Perëndimor, Berisha shprehet se me Edi Ramën kryeministër, kushtet nuk mund të plotësohen, por vetëm opozita mund t’i plotësojë ato.
Më tej, ish-kryeministri flet për marrëveshjen Kosovë-Serbi, të cilën e quan “patatja e nxehtë e Samitit”.
Sipas Berishës, në këtë samit janë të pranishëm edhe mbështetësit e “Serbisë së Madhe”, të cilët i quan argatët e Prishtinës dhe Tiranës, duke iu referuar këtu, kryeministrit Edi Rama dhe presidentit të Kosovës, Hashim Thaçi.
“Pra mbështetësit e projektit të Serbisë së Madhe në këtë Samit janë serbomadhi Vuçiç dhe argatët e tij në Prishtinë dhe Tiranë. Sigurisht këta nuk do të arrijnë të imponojnë projektin e tyre ogurzi, por do bëjnë gjithçka për sabotimin dhe mos suksesin e Samitit në këtë çështje madhore”, shkruan Berisha ndër të tjera.
Postimi i plotë:
Sot ne Berlin nje samit shume i rendesishem!
Te dashur miq, sot me ftese te dy liderve me kryesor te Bashkimit Europian, Kancelares gjermane Angjela Merkel dhe presidentit francez Emanuel Makron mblidhet Samiti i Berlinit kushtuar vendeve te Ballkanit Perendimor.
Çeshtje kryesore qe do trajtohen ne samit jane:
– integrimi i ketyre vendeve ne BE,
– marredheniet Kosove – Serbi
Pra per ne shqiptaret ne dy vendet tona samiti i Berlinit eshte i nje rendesie te madhe.
Le te shpresojme ne vendim pozitiv per hapjen e negociatave me Shqiperine pavaresisht se Shqiperia krahasuar me vjet nuk ka plotesuar asnje nga kushtet e kerkuara madje ka perkeqesim. Shqiperia shkon aty si vendi i pare ne Europe per azilkerkues, si vendi i katert ne bote me shprese vrare, nga i cili mbi 69% e qytetareve duan te largohen, si vendi qender operacionale e organizatave kriminale ne Europe Ameriken e Veriut dhe te Jugut, Lindjen e Mesme, shkon si narkoshtet, Kolumbi e Europes, si vendi i vetem per te cilin parlamenti i nje vendi anetar te BE ka votuar per rivendosjen e vizave.
Por me Edi Ramen kushtet nuk mund te plotesohen. Vetem opozita do mund ti plotesoje ato.
Gjithashtu le te shpresojme vendimin per heqjen e vizave per Kosoven, e cilla prej kohesh i ka plotesuar standartet per heqjen e tyre.
Patatja e nxehte e Samitit eshte marreveshja Kosove – Serbi.
Lidhur me kete marreveshje dy jane pengesat madhore te saj.
Se pari, marreveshja e fshehte per coptimin e Kosoves dhe krijimin e Serbise se madhe e arritur nga argatet e Beogradit ne Tirane dhe Prishtine me patronin e tyre Presidentin serbomadh Vuçiç.
Se dyti, shqiptaret e Kosoves perfaqesohen ne Samit defacto nga dy delegacione. Delegacioni i argatit te Beogradit, i cili, si peng i ketij te fundit, projektin e Serbise se Madhe e paraqet si projekt te Prishtines. Ne krah te tij qendron i palkundur Zografi bis i Tiranes.
Delegacioni i kreut te ekzekutivit te Kosoves qe kundershton projektin e Serbise se Madhe dhe qe per te paralizuar marreveshjen e fshehte te krijimit te saj ne kurriz te territoreve te Kosoves ka vendosur taksen antiargat duke krijuar nje problem te vertet me komunitetin nderkombetar.
Pra mbeshtetesit e projekti te Serbise se Madhe ne kete Samit jane serbomadhi Vuçiç dhe argatet e tij ne Prishtine dhe Tirane. Sigurisht keta nuk do te arrijne te imponojne projektin e tyre ogurzi por do bejne gjithçka per sabotimin dhe mos suksesin e Samitit ne kete çeshtje madhore.
Sidoqofte miq, ti urojme Samitit suksese dhe te shpresojme per me te miren! sb
