Këngëtari Young Zerka, dha një deklaratë të fortë në emisionin e kaluar në “Shiko Kush Luan”. Për të, Samanta Karavella nuk e meriton famën që ka. Por këngëtares duket se nuk i ka dalë inati. Madje, duke përfituar nga fakti që ishte e pranishme në emision, ajo ia ka kthyer me të njëjtën monedhë Zerkës.
Këngëtarja teksa luante në lojën “Këmbët në…”, iu desh të zbulonte emrat e dy personazheve që ka dëshirë të bëjë bashkëpunim, dhe dy të tjerë që nuk i ka si opsion për diçka të tillë.
Pasi përmendi Ardit Gjebrenë dhe Aurela Gaçen si emrat e saj të preferuar, ajo u ndal edhe tek ata që nuk do bënte asnjëherë bashkëpunim.
“Ronela dhe meqë më përmendi tek loja e “Paintball” herën e kaluar, dikush që nuk kam qejf është Young Zerka”.
