Ish-zv.kryeministri i Italisë, Matteo Salvini, ka publikuar një foto e cila ka bërë që të ndizen shumë polemika.
Siç duket nga fotoja, një vajzë ka shfrytëzuar momentin teksa Salvini po flinte në avion, për të bërë një foto me të duke i treguar gishtin e mesit.
Vajza në fjalë e ka publikuar në rrjetet sociale foton, teksa ka etiketuar edhe Salvinin. Menjëherë ka ardhur edhe reagimi i politikanit, i cili e ka ripostuar foton të shoqëruar me një koment nga ana e tij.
“Sa bukur të udhëtosh në shoqërinë e njerëzve të edukuar! Ndoshta më pas del në shesh për të protestuar kundër urrejtjes dhe dhunës”, shkruan Salvini krahas fotos.
Fotoja shkaktoi polemika të shumta në rrjetet sociale, duke bërë që vajza që kishte postuar foton ta çaktivizonte profilet në rrjetet sociale.
