Deputeti i Partisë Demokratike, Ervin Salianji ka akuzuar qeverinë për pastrim parash, duke iu referuar tokës së tetarit që sipas tij Rama po e jep për ndërtim.
Nga foltorja e Parlamentit, deputeti i PD është shprehur se Sulejman Fusha, i afërm i “Fusha SHPK”, është i dënuar në Spanjë pasi është kapur me 56 kg heroinë.
INSTAT-i ka publikuar të dhëna ku thotë se, pavarësisht rënies së kreditimit në ndërtim, lejet e ndërtimit dhe boom-i i zhvillimeve në ndërtim është në nivele dhe përmasa të mëdha. Pse ndodh? Sepse paratë e drogës investohen në ndërtim. Rastësisht ose jo, mediat kanë raportuar që Sulejeman Fusha, i afërm i “Fusha shpk”, të cilit sot po tentohet t’i jepet për ndërtim nga Rilindja, është i dënuar në Alicante të Spanjës për 56 kg heroinë.
Si ka mundësi, që ky zotëria Fusha këtu që merr ndërtimin, i dënuar për trafik ndërkombëtar drogë?! Ministri i Brendshëm me vëllain për trafik ndërkombëtar drogë. Ish-ministri i Brendshëm me kushërinj dhe të afërm duke u hetuar për trafik ndërkombëtar droge. Po si ka mundësi që në këtë vend çdo aktivitet ekonomik, social, kulturor, gjithçka që ka të bëjë me para lidhen me persona që kanë fije apo të afërm, apo kushërinj, apo vëllezër të lidhur me drogën dhe me trafikun ndërkombëtar të drogës
Si mund t’i jepet një pronë publike një personi me këto lidhje dhe me këto kushte reference, pavarësisht se prona e Teatrit Kombëtar nuk duhet të preket?!
Këtu është një aferë e pastër korruptive ku qeveria fiton 205 milionë euro në mënyrë të drejtpërdrejtë, duke përdorur Bashkinë e Tiranës në këtë rast dhe, për fat të keq, edhe votën tuaj, nëse do ta votoni, për t’i shpëtuar përgjegjësisë penale.
