Deputeti i Partisë Demokratike, Ervin Salianji deklaroi se kur opozita siguroi audio-përgjimin me vëllain e ministrit të Brendshëm, duke shtuar se ai e vazhdonte aktivitetin kriminal dje iku në Itali për të mos nxjerrë grupin e tij.
I ftuar në “Tonight Ilva Tare” në Ora News, theksoi se ka qenë në një moment kur dëshmitari X ka telefonuar me Agron Xhafajn dhe tregonte shenja afrimiteti.
“Ne e kemi marrë në momentin që na ka ardhur nga gazetari. Disa javë përpara se ta publikonim. Nuk e kemi publikuar në momentin e parë sepse kemi bërë verifikimet. Ne verifikuan dëshmitarin. Kërkuam që të njiheshim me personin. Pamë materialet audio. Pamë që pas kontaktit me vëllain e ministrit sigurohej drogë dhe shkohej tek personat që të siguronin drogë në mënyrë fare të lehtë. Pyetëm strukturat tona në Vlorë. Kam qenë në një moment kur dëshmitari X ka telefonuar me Agron Xhafajn dhe tregonte shenja afrimiteti. Sapo doli ky audio-përgjim vëllai i ministrit shkoi me këmbët e veta në burg. Audio-përgjimi tregoi përfshirjen 100% është në krye të aktivitetit kriminal dhe i është shmangur që të mos nxjerrë grupin e vet kriminal,” deklaroi Salianji.
