Kryeministri Edi Rama, prej disa ditësh ka sulmuar dhe ironizuar listat e kandidatëve për deputetë të Partisë Demokratike.
I ftuar në emisionin “Real Story”, Rama duke folur për emrin e ish-kreut të qeverisë Sali Berisha në listën e PD-së, deklaroi se ai nuk është presidenti amerikan Joe Biden, dhe nuk përfaqëson frymë.
Rama theksoi se ish-kryeministri përfaqëson gjithçka që PD nuk duhet të jetë për të ardhur në pushtet.
Edi Rama: “Mua më kanë nxjerrë pa brekë fare dhe nuk kam bërë kështu. Unë jam Edi Rama dhe mos më krahaso me askënd. Nuk të pengon mikrofoni i Gridës për të shkuar në Europë. Është e vërtetë që Shpëtim Idrizin e kam pasur në parti. I kam kërkuar që të mbështesë reformat. Shpëtim Idrizi sot rishfaqet.
Si mund të jetë Shpëtim Idrizi dhe Mesila Doda, që iu shfaqet njerëzve me PD-në. PD në krye të listës ka personazhe humoristike. Nuk e kam besuar kurrë që PD të vendosë në listë Sali Berishën. Sali Berisha nuk është Joe Biden. Sali Berisha përfaqëson gjithçka, që PD nuk duhet të jetë. Kjo tregon se Berisha drejton PD-në. Dash Shehu ka qenë që në vitin 1990. S’kanë demokratët në Tiranë figura të reja. Pse duhet Vangjel Dule në Tiranë?”.
