Mohamed Salah ka treguar edhe njëherë se është një njeri i madh dhe me shumë vlera. Në finalen e Champions League, në ndeshjen e tij më të rëndësishme në karrierë ishte Sergio Ramos ai që bëri një ndërhyrje të fortë ndaj tij dhe e detyroi që të linte fushën në minutën e 30’.
Egjiptiani besimtar i devotshëm i fesë myslimane ka falur Sergio Ramos për ndërhyrjen e tij të ashpër në finalen e Champions Leagues. “Ndërhyrja e Ramos ndaj meje ishte normale. Këto dëmtime ndodhin në futboll. Nuk fajësoj askënd për dëmtimin në shpatull pasi në këtë sport mund të ndodhin këto gjëra”, tha Salah.
Në këtë mënyrë ai ka hedhur poshtë të gjitha zërat që kanë përfolur se kapiteni i Realit ka bërë një ndërhyrje të qëllimshme ndaj Salah që humbi finalen e Champions Leagues. Kujtojmë që egjiptiani do të rikthehet me përfaqësuesen e tij në Kampionatin Botëror që starton më 14 qershor.
