Analisti Arion Sulo shprehet se kryeministri Rama kërkon ta shfrytëzojë situatën e tërmetit për interesa politike.
I ftuar në emisionin “Real Story”, Sulo deklaroi se lejet e banesave në Durrës nuk po gjenden, pasi dokumentet janë zhdukur. Sipas tij, Valbona Sako nuk ka dhënë dorëheqjen për gafën e bërë por se një ditë më përpara ka kërkuar të hetohen lejet e ndërtimit.
Ai shton më tej se një ditë më përpara dorëheqjes së saj është parë në bashki ish-kryebashkiaku Vangjush Dako.
“Që Rama po kërkon ta shfrytëzojë tërmetin, nuk ka fare dyshim. Ai po përdor fëmijët. Janë ca skena, mua ato më bëjnë të ndihem keq. Shqiptarëve të shkretë u shkon për ngushëllim dhe mendojnë që do gjejnë një zgjidhje pas kësaj fatkeqësie. Po të çosh Bufonin dhe Ronaldon, e të kujdesesh për xhupat kjo nuk ka lidhje me tërmetin. Këtu është fatkeqësia jonë si media.
Ka një lajm, që nuk është përgënjeshtruar, lejet në Durrës nuk po gjendem, janë zhdukur dokumentet. Sako ka dhënë dorëheqjen jo për gafën por për deklaratën që ka bërë që prokuroria duhet të hetojë lejet e ndërtimit, një ditë më para. Z. Dako është parë në bashki”, tha ai.
