Ish-ministri Saimir Tahiri ka dalë nga Gjykata e Krimeve të Rënda, ku u paraqit sot rreth orësh 13:00. Atij i janë komunikuar akuzat sot, pasi Prokuroria për Krime të rënda mbylli dje hetimet dhe çoi dosjen në Gjykatë.
Në një prononcim për mediat, Tahiri tha se procesi i tij ishte totalisht politik, ndërsa akuzoi Prokurorinë të cilën e cilësoi si “të komanduar”.
I pyetur nëse ai ka mbështetjen e kryeministrit Rama, Tahiri tha se nuk i duhet fare, pasi ai do ia dalë me të vërtetën e tij.
“Akuza ishte më e rëndë se kaq, ishte trafik droge, krijim i grupit të strukturuar kriminal, vepra panel. Mendoj se pas Aldo Bares ndoshta jam i dyti me këtë akuzë. Nuk ka ndonjë surprizë të madhe. Prokuroria e komanduar siç e nisi e bitisi këtë histori. pavarësisht nxitjes që kam nga brenda, nuk dua të merrem. Dua të respektoj drejtësinë. Do vazhdoj t’i shkoj drejtësisë deri në fund edhe duke besuar.
Ky është një proces i turpshëm politik. Prokuroria e komanduar, siç e nisi, e bitisi. Për prokurorinë, këtu do isha brenda 24 orëve i arrestuar. Të gjitha faktet që keni dëgjuar, është gjykata italiane që thotë se këto janë të pavërteta. Ju mendoni se nuk mjafton kaq për të kuptuar se sa politikisht është e komanduar kjo histori?
Këtij vendi kaq të vogël i mjafton baba Taku me çantën e zezë, nuk ka nevojë për Tahirin. Kam vetëm të vërtetën time dhe kaq më mjafton për gjithçka.
Nuk më duhet mbështetja (e Ramës) fare. Më duhet vetëm e vërteta ime, nqs ju mendoni se duhet patjetër mbështetja e dikujt, për mua e keni gabim. Unë ia dal edhe pa to, me çdo kosto dhe çdo kusht”, tha ndër të tjera Tahiri./ Tirana Today
