Korça prej dy ditësh është prekur nga tërmete të shumta që kanë dëmtuar disa shtëpi në fshatin Floq, Qaf Zezë dhe Vidovë. Të vendosur në çadrat e dërguara nga Emergjenca Civile banorët mëngjesin e sotëm janë konfliktuar verbalisht me prefektin Dhori Spirollari, ndërsa kanë goditur njërin nga punonjësit e Emergjencave Civile.
Banorët i kanë kërkuar prefektit që të shpallë gjendjen e emergjencës në mënyrë që të strehohen në ambiente të tjera, pasi shprehen se janë në kushte shumë të vështira. Kushtet janë bërë akoma më të vështira nga reshjet e shiut që vijojnë që të bien, raporton Report Tv.
“Këta sa vjen njëri, ikën tjetri dhe kot, por Zoti…Kemi ftohtë dhe nuk mund të qëndrojmë më në çadra. Ushqimi nuk ka ardhur. Ka mungesë të ushqimeve dhe krevatëve”, shprehen disa nga banorët. Por, pas ndërhyrjes së banorëve dhe punonjësve të tjerë të Emergjencave situata është qetësuar për momentin, por banorët janë të revoltuar me situatën.
