Kryeministri Edi Rama zhvilloi sot një takim me qytetarët e Shkodrës, në kuadër të turit “Bashkia që Duam”.
Teksa po fliste për zgjedhjet lokale që do të mbahen më 30 qershor, Rama theksoi se kreu i Partisë Demokratike, Lulzim Basha përsëriti thuajse të njëjtën histori dy vite më parë.
“I dhashë çfarë donte. Kaloi vera, kaloi vjeshta, erdhi dimri, kur tashi, sa vinë zgjedhjet filloi prap. O Lul po pse mo këtë punë kam unë? Sa herë vijnë zgjedhjet të të jap pjeshkat e kabinetit”, u shpreh Rama.
Ndër të tjera, kryeministri shfaqet i sigurt se zgjedhjet vendore do të zhvillohen, ndërsa thotë me plot bindje se kësaj radhe PS-ja do të arrijë të fitojë edhe bashkinë e Shkodrës.
“Ata nuk u rgjisturan në zgjedhje, nuk e di a do shkojnë kryetarët e bashkive pas tyre, ata të bëjnë çfarë të duan, ne në 30 qershor do të marrim bashkinë në shkodër. Demokratëve e mërzitur u them, ruani gomat, mos tua marrë Luli t’i djegi. Ska filxhan që e përmbys fatin e zgjedhjeve që i shkruan populli me votën e vetë”, shtoi Rama.
