Rusia ka kryer një operacion gjigant evakuimi, pas shumë kërcënimeve serioze se nëpër ndërtesa janë vendosur bomba me detonatorë.
Sipas “Free Europe” rreth 50 mijë nxënës dhe 3500 mësuar janë evakuuar nga shkollat për shkak të kërcënimeve serioze që kanë marrë se në këto ndërtesa janë vendosur bomba që mund të shpërthejnë. Disa prej autoriteteve dyshojnë se kërcënimet mund të jenë fallco.
Në qytetin bregdetar, Vladivostik, së paku 12 institucione arsimore dhe dy teatro janë mbyllur për shkak të dyshimeve për bomba. Raportime të ngjashme për bomba pati edhe në Komsomolsk, Ussuriysk dhe Birobidzhan, ku jetojnë më shumë se 200 mijë njerëz.
Sipas raportimeve, dhjetëra universitete, shkolla, muze dhe teatro janë mbyllur në gjashtë qytete ruse të skajit lindor të vendit. Në dhjetor, shkollat dhe universitetet u mbyllën disa herë për shkak të kërcënimeve me shpërthime.
Autoritetet dyshojnë se këto kërcënime mund të organizohen për shkak se nxënësit nuk duan të bëjnë mësim, duke qenë se në këto rajone temperatura shkon -22 gradë celsius në këtë periudhë. Megjithatë, ata kanë zgjedhur të mos rrezikojnë dhe të bëjnë evakuimet e nevojshme.
