Dyqanet, restorantet dhe shkollat janë mbyllur në Moskë në një bllokim të pjesshëm, pasi Rusia po lufton vdekjet dhe infeksionet Covid.
Vetëm supermarketet dhe farmacitë lejohen të hapen në kryeqytet. Autoritetet gjithashtu u kanë dhënë punëtorëve në të gjithë Rusinë nëntë ditë pushim nga e shtuna, në një përpjekje për të frenuar infeksionet.
Rusia ka raportuar një rekord prej 1.159 vdekje nga Covid në 24 orët e fundit. Të dhënat zyrtare zbulojnë gjithashtu 40.096 infeksione të reja në 85 rajone të Rusisë – një tjetër rekord. Bllokimi i fundit i madh i Rusisë ishte në maj-qershor 2020.
Numri i përgjithshëm i vdekjeve nga Covid-19 në Rusi është zyrtarisht më shumë se 230.000, më i larti në Evropë dhe një nga më të lartat në botë.
Përqindja e popullsisë së Rusisë të vaksinuar plotësisht mbetet e ulët – më 23 tetor ishte 32.8%. Shumica e vendeve evropiane kanë norma shumë më të larta.
Pavarësisht përpjekjeve intensive për vaksinimin shtetëror, shumë rusë mbeten dyshues për vaksinën Sputnik V, e cila njihet ndërkombëtarisht si një mburojë efektive kundër Covid.
Përballë këtij bllokimi të pjesshëm midis 30 tetorit dhe 9 nëntorit, shumë rusë kanë vendosur të shkojnë me pushime. Hotelet turistike në Egjipt – një destinacion popullor për rusët – raportohet të jenë plotësisht të rezervuara dhe fluturimet ruse në Egjipt janë shitur.
Burimi i lajmit: BBC. Përshtatur nga Tirana Today
