Presidenti serb, Aleksandar Vuçiç deklaroi sot në kazermën “Mija Stanimiroviç” në Nish se është mirënjohës ndaj Rusisë dhe presidentit të saj, Vladimir Putin për dhurimin e tankeve dhe automjeteve të blindura.
Në këtë qytet, janë prezantuar 11 tanke të llojit T-72MS dhe 10 automjete të blinduara BRDM-2.
Vuçiç ka theksuar se qëllimi i këtij donacioni është që Serbia të forcojë edhe më tej ushtrinë dhe, siç ka thënë ai, pozicionin e neutralitetit ushtarak, në mënyrë që të mund të parandalojë çdo agresor të mundshëm.
Ambasadori rus, Alexander Bocan Kharchenko tha se Moska me kënaqësi do të vazhdojë të dorëzojë automjete të blinduara dhe lloje të tjera armësh në Serbi.
Këto pajisje është thënë se janë pjesë e donacionit rus, i cili përbëhet nga gjashtë aeroplanë luftarakë MiG-29, 30 makina zbulimi të blinduara BRDM-2 dhe 30 tanke T-72, bazuar në marrëveshjen midis presidentit serb Vuçiq dhe ministrit rus të Mbrojtjes, Sergei Shoigu më 2016.
