Truproja i presidentit rus, Vladimir Putin vrau veten sot në Kremlin. Sipas mediave ruse, Mikhail Zakharov, punonjësi i departamentit të 5-të, kreu vetëvrasjen gjatë orarit të punës.
Zakharov do të divorcohej së shpejti nga bashkëshortja dhe ajo nuk kishte kuptuar asgjë lidhur me aktin që kishte vendosur të ndërmerrte truproja e Putin.
Dyshohet se përveç problemeve në familje, Zakharov kishte shfaqur pakënaqësi edhe lidhur me orarin dhe kushtet e punës së tij. Kolegët kanë rrëfyer se ai ishte ankuar shpesh për punën jashtë orarit, pasi ishte në gatishmëri për më shumë se 15 orë.
“Kemi pasur mungesë stafi në FSO – kështu detyroheshim që të punonim më shumë orë, duke mos marrë para shtesë,”-ka rrëfyer kolegu i tij, duke zgjedhur që të mos identifikohet.
