Ka qenë i menjëhershëm reagimi nga ana e Moskës pas kërcënimeve të bëra pak më parë nga Presidenti amerikan Donald Trump, i cili deklaroi se “Rusia duhet të bëhet gati me prit raketat”.
“Raketat e “zgjuara” duhet të godasin terroristët, dhe jo qeverinë e ligjshme të Sirisë, e cila prej disa vitesh po lufton kundër terrorizmit ndërkombëtar në territorin e saj”, ka thënë zëdhënësja e Ministrisë së Jashthme ruse, Maria Zakharova.
Më herët, Trump deklaroi se Rusia duhet të bëhet gati, pasi drejt Sirisë do të nisin sulmet me raketa ndaj regjimit të Presidentit Bashar Al Assad. Kjo deklaratë e kreut të Shtëpisë së Bardhë erdhi pas zotimit të Rusisë, që tha se do të rrëzojë çdo raketë që do lëshohet ndaj qeverisë siriane.
Reagimi i Trump: “Rusia zotohet për të qëlluar çfarëdo dhe të gjitha raketat që godasin në Siri. Bëhu gati Rusi, sepse ato do të vijnë, të bukura, të reja dhe “të zgjuara”! Ju nuk duhet të jeni partnerë me kafshe që vret popullin e tij dhe gëzon për këtë!”, shkruan Trump në Twitter. 
