Deputetja Rudina Hajdari ka treguar për mënyrën se si ka reaguar e ëma e saj, Fatmira Hajdari, kur i ka treguar për bashkëshortin e saj.
E ftuar në emisionin “E Diell”, Hajdari tha se me bashkëshortin, Muçjon Demirajn, është takuar që në moshë fare të re.
Rudina tha se mamaja e ka pëlqyer shumë bashkëshortin e saj dhe reagimi i parë i saj ishte, “sa i bukur qenka”.
“Ka qenë moment shumë i bukur sepse me bashkëshortin jemi takuar në adoleshencë. Jemi takuar në plazh. Mami erdhi në Amerikë dhe unë i thoja të gjitha gjërat. Ua tha sa i bukur qenka. E pëlqeu shumë. Unë e dija çfarë kisha zgjedhur. Burri është shumë i qetë, i dashur dhe një baba i përkushtuar. Vajza ime është me shumë fat që ka një baba të tillë”, tha ajo.
