Deputetja Rudina Hajdari, e ftuar mbrëmjen e sotme në emisionin “Real Story” në “News 24”, pati një përplasje me analistin Arjon Sulo. Hajdari u shpreh se kemi një situatë politike ku Rama po sillet si i djathtë, dhe Basha si i majtë. Nga ana tjetër, gazetari tha se Reforma Zgjedhore është gati e përfunduar. Duke qëndruar në të njëjtën linjë, sipas tij, sistemi zgjedhor nuk mund të bëhet pa kompromisin e dy forcave të mëdha politike.
Arjon Sulo: Sot PD erdhi, kushtëzoi dhe iku. Z. Kaso kërkoi largimin e z. Gjiknuri.
Rudina Hajdari: Ishte një zhgënjim për demokratët. Është një detaj që nuk mundet mos të përmendet, sepse ishte detaj shumë i qartë.
Ky është një koment personal, nuk është koment që ka të bëjë me çështjet politike. Unë kam thënë se duhet të ketë ndëshkim të atyre personave që kanë tjetërsuar votën e shqiptarëve.
Kemi një Ramë që po sillet si i djathtë, dhe Bashë që sillet si i majtë.
Arjon Sulo: Reforma Zgjedhore është gati e përfunduar. Sistemi zgjedhor nuk mund të bëhet pa kompromisin e dy forcave të mëdha politike. Bëhet dhe me referendum.
Rudina Hajdari: Armiku kryesor sipas opozitës na dilka se qenka Rudina Hajdari, nuk na qenka Edi Rama. Ju lutem, të respektojmë institucionet e vendit.
Arjon Sulo: Ju Edi Rama po iu përdor për presion ndaj opozitës. Nëse PD e PS bëjnë marrëveshje për reformën zgjedhore, ju jeni jashtë loje.
Ralf Gjoni: Kam kërkuar largimin e z.Gjiknuri nga Komisioni Hetimor. Ata donin të merrnin peng reformën në drejtësi, parlamentin, edhe reformën zgjedhore, por nuk do ia dalin dot.
