Deputetja e opozitës së re, Rudina Hajdari, i është bashkuar thirrjeve që ministri Lleshaj të japë dorëheqjen. Ajo thotë se do të ngre zërin e saj në Kuvend për këtë vrasje, deri sa drejtësia të vihet në vend.
E revoltuar për çfarë ka ndodhur, deputetja kërkon nga ministri Lleshaj të japë dorëheqjen. Duke iu referuar një fjalimi që ka mbajtur me herët ministri, se pas çdo polici është fytyra e tij, Hajdari shprehet se ajo fytyrë ka vrarë një njeri të pafajshëm. E për rrjedhojë, nuk mund ta vazhdojë më detyrën.
Statusi
Mijëra qytetarë u mblodhën sot para Ministrisë së Brendshme për të kërkuar përgjegjësi mbi vrasjen e Klodian Rashës nga një oficer policie.
Isha dhe do jem mes tyre dhe do ta ngre zërin në Parlament për këtë vrasje, derisa drejtësia të bëhet e plotë.
Ministri Lleshaj nuk mund të vazhdojë më detyrën dhe i bëj thirrje të japë dorëheqjen.
Ai na ka thënë se mbas çdo polici është fytyra e tij, e sot ajo fytyrë ka vrarë një njeri të pafajshëm, ndaj nuk mund ta vazhdojë më detyrën.
